అమ్మ చెంతకు అక్క ?

అక్క రాములమ్మ అమ్మ చెంతకు చేరనుంది ? టీఆర్ పార్టీ తనను పట్టించుకోవడం లేదని ఆవేదనతో కుమిలిపోతున్న విజయశాంతి కాంగ్రెస్ పార్టీలో చేరేందుకు రంగం సిద్ధం చేసుకుంది.. మెదక్ ఎంపీ సీటు విషయంలో టీఆర్ఆర్ తో విభేదాలు తలెత్తడంతో కొంత కాలంగా ఆమె పార్టీ కార్యక్రమాలకు దూరంగా ఉంటోంది.. తెలంగాణ ప్రకటన రోజూ కూడా పార్టీ వర్గాలకు అందుబాటులో లేదు.
అద్వానీ కుటుంబంతో సన్నిహిత సంబంధాలు ఉండడంతో బీజేపీలో చేరుతుందని అంతా అనుకున్నారు. అయితే కాంగ్రెస్ పార్టీ తెలంగాణ ప్రకటించిన నేపథ్యంలో ఆమె సోనియావైపే మొగ్గుచూపుతుంది. ఈ మేరకు పార్టీ హైకమాండ్ పెద్దలతో మాట్లాడుకుందని సమాచారం.. పార్టీ టికెట్ కూడా కన్ఫాం అయినట్లు చెబుతున్నారు. ఇంకేముంది విజయశాంతి మరికొద్ది రోజుల్లోనే కాంగ్రెస్ పార్టీలో చేరనుందన్నమాట.